دہشت گردی کے خلاف پوری ریاست متحد ہے، وزیراعلیٰ بلوچستان

زیارت: وزیراعلیٰ بلوچستان میر سرفراز احمد بگٹی اور آئی جی پولیس بلوچستان نے زیارت میں دہشت گردی کے خلاف جاری آپریشن کا جائزہ لیتے ہوئے اعلیٰ سطحی اجلاس کی صدارت کی۔

اجلاس میں علاقے کی مجموعی سیکیورٹی صورتحال، جاری آپریشنز، سول انتظامیہ اور سیکیورٹی فورسز کے درمیان رابطہ کاری، اور دہشت گردوں کے خلاف جاری کارروائیوں پر تفصیلی غور کیا گیا۔

اس موقع پر اس عزم کا اعادہ کیا گیا کہ حکومت بلوچستان، سول انتظامیہ، پولیس، لیویز، سیکیورٹی فورسز اور عوام دہشت گردی کے خاتمے کے لیے متحد ہیں اور صوبے میں امن و استحکام ہر صورت برقرار رکھا جائے گا۔

اجلاس میں اس بات پر زور دیا گیا کہ دہشت گردوں کے خلاف کارروائیاں اپنے منطقی انجام تک جاری رہیں گی۔ حکام نے اس عزم کا بھی اظہار کیا کہ ملک دشمن عناصر اور دہشت گرد تنظیموں کے عزائم کو ناکام بنانے کے لیے تمام دستیاب وسائل بروئے کار لائے جائیں گے۔