نوشکی میں ایک بار پھر بوزر گاڑیوں کو نذرِ آتش، احمدوال میں متعدد مشینری جلادی گئی

نوشکی: ضلع نوشکی میں بوزر گاڑیوں کو نذرِ آتش کرنے کا سلسلہ ایک بار پھر سامنے آیا ہے۔ اطلاعات کے مطابق این-40 شاہراہ پر احمدوال کے مقام پر نامعلوم مسلح افراد نے متعدد بوزر گاڑیوں، ایک لوڈر شاول اور دیگر مشینری کو آگ لگا دی۔

واقعے کے بعد علاقے میں خوف و ہراس پھیل گیا، جبکہ اطلاع ملنے پر متعلقہ اداروں نے صورتحال کا جائزہ لینا شروع کر دیا۔ تاہم واقعے میں کسی جانی نقصان کی فوری طور پر اطلاع موصول نہیں ہوئی۔

حکام کی جانب سے واقعے کی وجوہات اور ملوث عناصر کی شناخت کے لیے تحقیقات شروع کر دی گئی ہیں، جبکہ سرکاری سطح پر مزید تفصیلات کا انتظار ہے۔