وحدت کالونی واقعہ: آفتاب جبل، اہلیہ اور دیگر کے خلاف مقدمہ درج

کوئٹہ: وحدت کالونی واقعے کے سلسلے میں پولیس نے مقدمہ درج کر لیا ہے۔ ایف آئی آر میں آفتاب جبل، ان کی اہلیہ، مسعود مینگل اور ڈائریکٹر سمال انڈسٹریز اقبال سرپرہ کو نامزد کیا گیا ہے۔

پولیس کے مطابق مقدمے میں قتل کی دفعہ 302، خودکشی پر اکسانے کی دفعہ 325، بالواسطہ طور پر موت کا سبب بننے کی دفعہ 322 اور مشترکہ ذمہ داری کی دفعہ 34 تعزیراتِ پاکستان شامل کی گئی ہیں۔

پولیس حکام کا کہنا ہے کہ مقدمہ متوفی کے بھائی ظریف خان کی مدعیت میں تھانہ شہید امیر محمد دستی میں درج کیا گیا ہے، جبکہ واقعے کے مختلف پہلوؤں کی تحقیقات جاری ہیں۔

حکام کے مطابق شواہد اور تحقیقات کی روشنی میں مزید قانونی کارروائی عمل میں لائی جائے گی۔