ریلوے نالے کی صفائی اور پانی کے مسئلے پر بروقت اقدامات قابلِ تحسین ہیں، حاجی میر جان پھژ رند

سبی(نامہ نگار)پھژ اتحاد کے سربراہ حاجی میر جان پھژ رند اور اہلیان ریلوے نے ریلوے نالے کی صفائی اور پانی کی فراہمی کے مسئلے پر فوری اقدامات اٹھانے پر سردارذادہ میر دینار خان ڈومکی اور ڈپٹی کمشنر سبی میجر(ر) الیاس کبزئی کا شکریہ ادا کرتے ہوئے کہا ہے کہ ضلعی انتظامیہ نے عوامی شکایات کا بروقت نوٹس لے کر ایک اہم مسئلے کے حل کی جانب عملی قدم اٹھایا ہے۔تفصیلات کے مطابق ریلوے کالونی اور ملحقہ علاقوں میں پینے کے صاف پانی کی قلت اور ریلوے نالے کی عدم صفائی کے باعث شہریوں کو شدید مشکلات کا سامنا تھا جس پر پھژ اتحاد اور اہلیان ریلوے کی جانب سے سردار زادہ میر دینار خان ڈومکی کی ہدایات پر ضلعی انتظامیہ کو شکایات پیش کی ڈپٹی کمشنر سبی نے مسئلے کا فوری نوٹس لیتے ہوئے ریلوے نالے کی صفائی کے احکامات جاری کیے جس کے بعد صفائی کا کام باقاعدہ طور پر شروع کردیا گیا ہے۔حاجی میر جان پھژ رند نے کہا کہ نالے کی صفائی مکمل ہونے کے بعد ریلوے کالونی کے مکینوں کو پینے کے صاف پانی کی فراہمی میں بہتری آئے گی اور عوام کو درپیش دیرینہ مشکلات میں نمایاں کمی ہوگی۔ انہوں نے کہا کہ عوامی مسائل کے حل کے لیے ضلعی انتظامیہ کی جانب سے سنجیدہ اقدامات خوش آئند ہیں۔دوسری جانب ڈپٹی کمشنر سبی میجر(ر) الیاس کبزئی نے اہلیان ریلوے کو یقین دہانی کراتے ہوئے کہا کہ بہت جلد (BSDI)فنڈ سے ریلوے چینل کے کچے حصے کو پختہ کرایا کاۓ گا اور واٹر ٹینک بناکر پائپ لائن کے ذریعے ریلوے کالونی میں گھر گھر پانی کی فراہمی کو یقینی بنایا جائے گا تاکہ شہریوں کو مستقل بنیادوں پر صاف پانی میسر آسکے۔اہلیان ریلوے نے امید ظاہر کی کہ ضلعی انتظامیہ مستقبل میں بھی عوامی فلاح و بہبود کے منصوبوں پر خصوصی توجہ دے گی اور شہری مسائل کے حل کے لیے عملی اقدامات کا سلسلہ جاری رکھا جائے گا

Browse Posts

پشتونخوا میپ اور این ڈی ایم کا مشترکہ جمہوری جدوجہد پر اتفاق

سردارزادہ فیصل خان جمالی عوامی خدمت اور ترقیاتی منصوبوں میں نمایاں کردار ادا کر رہے ہیں، میر مرزا خان مینگل

لاڑکانہ عدالت نے سابقہ ایس ایچ او کو دو برس قید کی سزا سنادی