منگچر پولیس اسٹیشن پر مسلح افراد کا حملہ، ڈی ایس پی سرکاری گاڑی سمیت اغوا

منگچر گزشتہ روز دوپہر تقریباً دو بجے مسلح افراد نے منگچر پولیس اسٹیشن پر اچانک دھاوا بول دیا اور ڈی ایس پی محمد یوسف ولد محمد کریم کو ان کے گارڈ اور سرکاری گاڑی سمیت زبردستی اپنے ہمراہ لے گئے ذرائع کے مطابق مسلح افراد جدید اسلحے سے لیس تھے واقعے کے دوران علاقے میں شدید خوف و ہراس پھیل گیا جبکہ حملہ آور کارروائی مکمل کرکے فرار ہونے میں کامیاب ہوگئے ابتدائی اطلاعات کے مطابق اغوا ہونے والے ڈی ایس پی اپنے دفتر میں موجود تھے کہ اسی دوران مسلح افراد پولیس اسٹیشن میں داخل ہوئے اور انہیں سرکاری گاڑی سمیت نامعلوم مقام کی جانب منتقل کردیا واقعے میں ڈی ایس پی کے ہمراہ موجود ایک گارڈ کو بھی اغوا کیے جانے کی اطلاعات ہیں واقعے کے بعد پولیس اور سیکیورٹی اداروں نے علاقے کو گھیرے میں لے کر سرچ آپریشن شروع کردیا ہے جبکہ داخلی و خارجی راستوں پر ناکہ بندی بھی کردی گئی ہے تاہم آخری اطلاعات تک مغوی ڈی ایس پی اور سرکاری گاڑی کے حوالے سے کوئی سراغ نہیں مل سکا۔