حب گڈانی ساحل پر افسوسناک واقعہ، دو نوجوان ڈوب گئے

حب(نمائندہ خصوصی)

حب گڈانی ساحل سمندر میں ایک افسوسناک واقع پیش آیا جہاں کراچی سے سیر و تفریح کیلئے آنے والے دو نوجوان سمندر میں نہاتے ہوئے ڈوب گئے ایک کی لاش برآمد جبکہ دوسرے کی تلاش کیلئے پاک بحریہ، ایدھی، 1122 اور پولیس کی ریسکیو آپریشن جاری ہے۔ ڈپٹی کمشنر حب جمعہ داد خان مندوخیل

تفصیلات کے مطابق

اطلاع موصول ہوتے ہی ضلعی انتظامیہ حب نے فوری کارروائی کرتے ہوئے ریسکیو 1122، ایدھی فاؤنڈیشن اور مقامی رضاکاروں کو متحرک کیا اور سرچ اینڈ ریسکیو آپریشن شروع کیا گیا کچھ ہی دیر بعد ایک نوجوان کی لاش برآمد کر لی گئی جس کی شناخت حماد ولد منصور حسین، عمر 24 سال کے نام سے ہوئی ہے لاش کو ایدھی ایمبولینس کے ذریعے سول اسپتال منتقل کر دیا گیا ہے۔
دوسرے نوجوان محسن ولد تنویر، عمر 17 سال کی تلاش جاری ہے سرچ آپریشن کو تیز کرنے کے لیے مقامی ماہی گیروں کی نجی کشتیوں کو بھی شامل کیا گیا ہے مزید برآں پاک بحریہ، این ڈی اہم اے کو بھی ریسکیو سرچ آپریشن میں معاونت کے لیے باضابطہ طور پر شامل کیا گیا ہے۔
ریسکیو آپریشن اسسٹنٹ کمشنر، تحصیلدار اور چیئرمین گڈانی کی نگرانی میں جاری ہے جبکہ ضلعی انتظامیہ صورتحال کی مسلسل نگرانی کر رہی ہے اور تمام دستیاب وسائل بروئے کار لائے جا رہے ہیں۔

ضلعی انتظامیہ حب اور ڈپٹی کمشنر حب جمعہ داد خان مندوخیل کی باالخصوص حب اور کراچی کے عوام سے گزارش ہے کہ ساحلی علاقوں اور دریائے حب میں احتیاطی تدابیر اختیار کریں اور غیر محفوظ مقامات پر نہانے سے گریز کریں۔