سکھر پولیس کی موٹر سائیکل لفٹرز کے خلاف کامیاب کارروائیاں، تین ملزمان گرفتار

سکھر (رپورٹ اسلم سومرو)سکھر پولیس نے موٹر سائیکل چوروں کے خلاف کارروائیوں میں نمایاں کامیابی حاصل کی ہے۔ ایس ایس پی سکھر اظہر خان کی خصوصی ہدایات پر جاری کریک ڈاؤن کے دوران تھانہ سی سیکشن، تھانہ آباد اور تھانہ ایئرپورٹ چوکی انچارج ٹاؤن شپ نے مشترکہ کارروائیاں کرتے ہوئے تین موٹر سائیکل لفٹر ملزمان کو گرفتار کر لیا۔گرفتار ملزمان میں وحید جاگیرانی، رضوان علی جونیجو اور اسداللہ دمیو شامل ہیں۔ ان افراد پر شہر کے مختلف علاقوں میں موٹر سائیکل چوری سمیت متعدد وارداتوں میں ملوث ہونے کا الزام ہے اور یہ پولیس کو طویل عرصے سے مطلوب تھے۔پولیس ذرائع کے مطابق ملزمان کے خلاف مقدمات درج کر کے مزید تفتیش کا عمل شروع کر دیا گیا ہے۔ ابتدائی تفتیش میں ان کے دیگر ساتھیوں کے بارے میں بھی اہم معلومات حاصل ہوئی ہیں، جن کی گرفتاری کے لیے الگ الگ چھاپے مارے جا رہے ہیں۔ایس ایس پی سکھر اظہر خان نے شہریوں سے اپیل کی ہے کہ اگر کوئی شخص گرفتار ملزمان کو کسی واردات کے دوران شناخت کرتا ہے یا ان کے خلاف کوئی شکایت رکھتا ہے تو وہ فوری طور پر متعلقہ تھانے سے رابطہ کرے۔ اس سے نہ صرف چوری شدہ موٹر سائیکلوں کی برآمدگی ممکن ہو سکے گی بلکہ قانونی کارروائی مکمل ہونے کے بعد وہ اصل مالکان کو واپس بھی کی جا سکیں گی۔پولیس نے شہریوں سے مزید تعاون کی اپیل کرتے ہوئے کہا ہے کہ جرائم کی روک تھام کے لیے عوامی تعاون انتہائی ضروری ہے۔ گرفتار ملزمان سے چھینی گئی موٹر سائیکلوں کے بارے میں مزید معلومات حاصل کرنے کے لیے تفتیش جاری ہے۔

Browse Posts

ہم وزیر اعلیٰ بلوچستان کے دس روزہ مہلت لینے کو حسن نیت کا موقع سمجھتے ہیں،حافظ حمد اللہ

تعلیم، امن اور انسانیت اور احمد خان اچکزئی کی خدمات پشتون بیلٹ کیلئے مشعلِ راہ ہیں،اےکےمیڈیاء

شیخ الحدیث مولانا محمد ادریس شہید کے قاتلوں کی عدم گرفتاری کے خلاف جے یو آئی کا احتجاجی مظاہرہ