صحافی کسی بھی مہذب معاشرے کی آنکھ اور آواز ہوتے ہیں،سید بلال حیدر کاظمی

صحافی کسی بھی مہذب معاشرے کی آنکھ اور آواز ہوتے ہیں،سید بلال حیدر کاظمی

آزادی صحافت ایک مضبوط اور مستحکم ریاست کی بنیاد ہے۔معروف سماجی ورکر

اسلام آباد(نمائندہ خصوصی)گلوبل ٹائمز میڈیا یورپ کے مطابق معروف سماجی کارکن سید بلال حیدر کاظمی نے کہا کہ صحافی کسی بھی مذہب معاشرے کی آنکھ اور آواز ہوتے ہیں۔ وہ حقائق کو سامنے لانے، عوام کے مسائل اجاگر کرنے اور جمہوریت کی مضبوطی میں کلیدی کردار ادا کرتے ہیں۔ انہوں نے کہا کہ آزادی صحافت ایک مضبوط اور مستحکم ریاست کی بنیاد ہے، اور صحافیوں کو درپیش چیلنجز کے باوجود انکی خدمات قابل تحسین ہیں۔معروف سماجی ورکر سید بلال حیدر کاظمی نے عالمی یوم صحافت کے موقع پر بین الاقوامی گلوبل ٹائمز میڈیا یورپ کے ساتھ ایک انٹرویو میں کہا کہ معاشرے کی بہتری کیلئے ضروری ہے کہ صحافیوں کو مکمل تحفظ، آزادی اور باعزت ماحول فراہم کیا جائے تا کہ وہ بلا خوف و خطر اپنی ذمہ داریاں ادا کر سکیں انہوں نے مزید کہا کہ تمام صحافیوں کو سلام و خراج تحسین پیش کرتا ہوں اور نیک خواہشات کا اظہار کرتا ہوں۔