کوئٹہ میں تجاوزات کے خلاف بڑا آپریشن، 25 افراد گرفتار

کوئٹہ: وزیر اعلیٰ بلوچستان کے صاف کوئٹہ وژن کے مطابق ضلعی انتظامیہ، میٹروپولیٹن کارپوریشن اور ٹریفک پولیس نے شہر بھر میں تجاوزات کے خلاف مشترکہ آپریشن کیا۔
25 افراد گرفتار جیل منتقل
ڈپٹی کمشنر کوئٹہ مہراللہ بادینی کے احکامات پر ضلعی انتظامیہ کی ٹیموں نے نواں کلی، نواں کلی بائپاس، جوائنٹ روڈ، ڈبل روڈ، سرکی روڈ اور سریاب روڈ پر سڑکوں پر قائم غیر قانونی تجاوزات کے خلاف کارروائیاں کیں۔
آپریشن کے دوران مشینری کے ذریعے تجاوزات کو مسمار کیا گیا جبکہ سڑکوں کو ہر قسم کی ٹریفک کے لیے مکمل طور پر بحال کر دیا گیا۔ بار بار نوٹسز کے باوجود خلاف ورزی کرنے والوں کے خلاف سخت ایکشن لیتے ہوئے 25 افراد کو گرفتار کر کے جیل منتقل کیا گیا، جبکہ متعدد تھڑے بھی مسمار کر دیے گئے۔
ضلعی انتظامیہ نے شہریوں اور دکانداروں کو ہدایت کی ہے کہ وہ سڑکوں اور سرکاری املاک پر تجاوزات قائم کرنے سے گریز کریں، بصورت دیگر بلا امتیاز قانونی کارروائی جاری رہے گی۔

Browse Posts

کراچی:اسٹیٹ بینک آف پاکستان نے شرح سود میں ایک فیصد اضافہ کردیا

پاکستان قیمتی پتھروں سمیت قدرتی وسائل کی دولت سے مالا مال ہے، وزیرِ اعظم

ڈپٹی کمشنر حب کا گڈانی کا دورہ، ترقیاتی منصوبوں اور عوامی سہولیات کا تفصیلی جائزہ لیا