حملہ آور کی تصویر جاری، شناخت بھی سامنے آگئی

واشنگٹن: وائٹ ہاؤس کوریسپونڈنٹس ڈنر کے دوران پیش آنے والے واقعے میں گرفتار مسلح مشتبہ شخص کی شناخت کول ٹوماس ایلن کے نام سے ہوئی ہے، جو کیلیفورنیا کا 31 سالہ رہائشی بتایا جا رہا ہے۔

امریکی میڈیا رپورٹس کے مطابق سیکیورٹی اداروں نے تقریب کے دوران بروقت کارروائی کرتے ہوئے ملزم کو حراست میں لے لیا اور صورتحال کو فوری طور پر قابو میں کر لیا۔ واقعے کے بعد سیکیورٹی مزید سخت کر دی گئی جبکہ تحقیقات جاری ہیں۔

واقعے سے متعلق مشتبہ شخص کی تصویر امریکی صدر ڈونلڈ ٹرمپ کے سوشل میڈیا پلیٹ فارم “ٹروتھ سوشل” پر بھی شیئر کی گئی ہے۔

صدر ٹرمپ نے تصدیق کی ہے کہ مبینہ فائرنگ میں ملوث شخص کو زندہ گرفتار کر لیا گیا ہے، جبکہ اس سے قبل بعض امریکی اور روسی میڈیا رپورٹس میں ملزم کے ہلاک ہونے کا دعویٰ کیا گیا تھا۔

تاحال حکام کی جانب سے واقعے کی مکمل تفصیلات جاری نہیں کی گئیں، تاہم سیکیورٹی ادارے مختلف پہلوؤں سے تحقیقات کر رہے ہیں۔