سرکاری نرخ نامے کی خلاف ورزی برداشت نہیں کی جائے گی، محمد یوسف ہاشمی

سرکاری

عوامی شکایات پر ضلعی انتظامیہ کا تندور مافیا کے خلاف کریک ڈاؤن جاری ہے۔ ڈپٹی کمشنر کوئٹہ کی ہدایات پر اسسٹنٹ کمشنر (صدر) محمد یوسف ہاشمی نے چمن ہاوسنگ، نواں کلی، عالمو چوک اور دیگر علاقوں میں کارروائیاں کیں۔

کارروائیوں کے دوران روٹی کم وزن اور زائد قیمت پر فروخت کرنے والوں کے خلاف سخت ایکشن لیا گیا۔ مجموعی طور پر 8 افراد کو گرفتار کرکے جیل منتقل کیا گیا جبکہ 5 تندور سیل کر دیے گئے۔

ضلعی انتظامیہ نے واضح کیا ہے کہ سرکاری نرخ نامے اور وزن کی خلاف ورزی کسی صورت برداشت نہیں کی جائے گی اور عوامی شکایات پر کارروائیاں بلا تعطل جاری رہیں گی۔