مسلم باغ میں کھلی کچہری کا انعقاد، عوامی مسائل پر فوری اقدامات کا یقین دہانی

ڈپٹی کمشنر قلعہ سیف اللہ کی زیر صدارت آج پی اے ریسٹ ہاؤس مسلم باغ میں کھلی کچہری کا انعقاد کیا گیا۔ اس موقع پر اسسٹنٹ کمشنر مسلم باغ، سربراہان لائن ڈیپارٹمنٹس، تحصیلدار اور ڈی ایس پی مسلم باغ سمیت متعلقہ حکام موجود تھے۔
مقامی شہریوں، عوامی نمائندگان نے کھلی کچہری میں بھرپور شرکت کی اور تعلیم، صحت، پینے کے پانی، بجلی، روزگار اور زراعت جیسے بنیادی مسائل اٹھائے۔ ہر محکمے کے سربراہ نے اپنے متعلقہ مسائل کا بروقت جواب دیا۔
ڈپٹی کمشنر نے شرکاء کو ہر مسئلے پر تفصیلی بریفنگ دی اور متعدد شکایات موقع پر ہی حل کر دئے۔ باقی مسائل کو متعلقہ محکموں کو ضروری کارروائی اور فالو اپ کے لیے بھیج دیا گیا ہے۔
اس اقدام کو عوامی مسائل کے فوری اور شفاف حل کی جانب ایک مثبت پیش رفت قرار دیا جا رہا ہے۔