پاکستان کے موثر کردار نے عالمی سطح پر ملک کا وقار بلند کیا ہے، صفدر خان باغی

پشاور(نمائندہ خصوصی)گلوبل ٹائمز میڈیا یورپ کے مطابق صفدر خان باغی پاکستان مسلم لیگ (ق) مرکزی نائب صدر نے اپنے بیان میں کہا ہے کہ ایران اور امریکہ کے مابین دو ہفتوں کے سیز فائر میں پاکستان کے مؤثر کردار نے عالمی سطح پر ملک کا وقار بلند کیا ہے۔ انہوں نے کہا کہ اور ایران اور امریکہ کی قیادت کے درمیان کشیدگی میں کمی لانے اور دس نکاتی ایجنڈے کو آگے بڑھانے میں سفارتی اور قائدانہ کاوشیں قابلِ لائق تحسین ہیں۔صفدر خان باغی مسلم لیگ (ق) مرکزی نائب صدر نے کہا کہ پاکستان نے نہ صرف امن کے قیام میں کلیدی کردار ادا کیا بلکہ عالمی برادری میں ایک ذمہ دار اور مؤثر ملک کے طور پر اپنی پہچان بھی مضبوط کی۔ آج دنیا بھر میں فلیڈ مارشل جنرل حافظ عاصم منیر اور وزیر اعظم میاں شہباز شہباز شریف کی قیادت کو سراہا جا رہا ہے، جو پاکستان کی کامیاب خارجہ پالیسی کا مظہر ہے۔صفدر خان باغی نے مزید کہا کہ فلیڈ مارشل جنرل حافظ عاصم منیر کی عسکری لحاظ اور سفارتی سطح پر دانشمندانہ حکمت عملی اور جرات مندانہ قیادت نے دنیا کو ایک ممکنہ تیسری بڑی جنگ عظیم کے تنازع سے بچانے میں اہم کردار ادا کیا۔ انہوں نے کہا کہ اللہ تعالیٰ جسے عزت دینا چاہے، کوئی اسے رسوا نہیں کر سکتا۔ پاکستان کی قیادت نے نہ صرف ملک کا وقار بلند کیا بلکہ پوری قوم کا سر فخر سے بلند کر دیا ہے۔