خیبرپختونخوا میں فورسز کی دو بڑی کارروائیاں، 13 دہشتگرد ہلاک


خیبر پختونخوا میں سیکیورٹی فورسز نے دو مختلف انٹیلی جنس بیسڈ آپریشنز کے دوران بھارتی پراکسی فتنۃ الخوارج سے تعلق رکھنے والے 13 دہشتگردوں کو ہلاک کر دیا۔

پاک فوج کے شعبہ تعلقات عامہ (آئی ایس پی آر) کے مطابق 30 مارچ 2026 کو خیبر ضلع کے علاقے باڑہ میں خوارج کی موجودگی کی اطلاع پر کارروائی کی گئی، جہاں شدید فائرنگ کے تبادلے میں 10 دہشتگرد مارے گئے اور ان کے ٹھکانوں کو مؤثر انداز میں نشانہ بنایا گیا۔

Browse Posts

سردار وقاص شہزاد کا جنوبی افریقہ کے ہائی کمشنر روڈولف پیئر جورڈان سے ملاقات

وزیراعظم کی سربراہی میں پاکستان ترقی کی راہ پر گامزن ہے،شازیہ جدون

اکرام الدین کا عامر سلطان ترین کو وزیر اعلی کے پی کے پرنسپل سیکرٹری مقرر ہونے پر مبارک

آئی ایس پی آر کے مطابق ایک اور کارروائی ضلع بنوں میں کی گئی، جہاں مزید 3 دہشتگرد ہلاک کیے گئے۔ بیان میں کہا گیا ہے کہ علاقے میں کلیئرنس آپریشنز جاری ہیں تاکہ بھارتی سرپرستی میں سرگرم عناصر کا مکمل خاتمہ یقینی بنایا جا سکے۔

ترجمان نے مزید کہا کہ قومی ایکشن پلان کے تحت اور آپریشن “عزمِ استحکام” کے دائرہ کار میں سیکیورٹی فورسز ملک بھر سے دہشتگردی کے مکمل خاتمے کے لیے پُرعزم ہیں۔

دریں اثنا، وزیراعظم شہباز شریف نے کامیاب کارروائیوں پر سیکیورٹی فورسز کو خراج تحسین پیش کرتے ہوئے کہا کہ فورسز نے پیشہ ورانہ مہارت کا مظاہرہ کرتے ہوئے دہشتگردوں کو منطقی انجام تک پہنچایا۔ انہوں نے کہا کہ سیکیورٹی فورسز ملک کے دفاع میں سیسہ پلائی دیوار ہیں۔

وفاقی وزیر داخلہ محسن نقوی نے بھی کارروائیوں کو سراہتے ہوئے کہا کہ قوم سیکیورٹی فورسز کے ساتھ کھڑی ہے اور دہشتگردوں اور ان کے سہولت کاروں کے خلاف کارروائیاں بلا تعطل جاری رہیں گی۔