ہزار گنجی میں گڈز ٹرانسپورٹرز کے مسائل ترجیحی بنیادوں پر حل کیے جائیں گے،ڈپٹی کمشنر مہراللہ بادینی

کوئٹہ ،ڈپٹی کمشنر کوئٹہ مہراللہ بادینی سے ہزار گنجی میں گڈز ٹرانسپورٹرز کو درپیش مسائل کے حل کے لیے آل پاکستان مزدا ٹرک گڈز ٹرانسپورٹ ایسوسی ایشن کے مرکزی چیئرمین میر حاجی نواب مینگل کی قیادت میں نمایندہ وفد نے ملاقات کی۔ملاقات میں ہزار گنجی میں گڈز ٹرانسپورٹرز کو درپیش مسائل، جن میں روٹس کی عدم دستیابی، پارکنگ، صفائی کی ناقص صورتحال، ٹریفک مسائل، ایمبولینس سروس اور مسجد کی کمی شامل ہیں،کے بارے میں تفصیل سے آگاہ کیا اس موقع پر ڈپٹی کمشنر مہر اللہ بادینی نے ان کے مسائل کو غور سے سنتے ہوئے یقین دہانی کروائی کہ متعلقہ اداروں کے ساتھ مل کر ترجیحی بنیادوں پر عملی اقدامات کیے جائیں گے، جبکہ ٹریفک مسائل کے حل کے لیے ایس پی ٹریفک کے ساتھ مشترکہ اجلاس بھی منعقد کیا جائے گا۔

Browse Posts

عوامی سہولت اولین ترجیح ہے، ترقیاتی کام تیز کریں گے،وزیر اعلیٰ بلوچستان

کچلاک ایف سی چیک پوسٹ پر حملہ، 2 حملہ آور ہلاک

نوکنڈی کے قریب حادثہ، 2 جاں بحق 18 زخمی