ایران جنگ میں امریکا کو بڑا دھچکا، 16 طیارے تباہ ہونے کا چونکا دینے والا انکشاف

امریکی خبر رساں ادارے Bloomberg کی ایک رپورٹ میں دعویٰ کیا گیا ہے کہ ایران کے ساتھ جاری کشیدگی کے دوران امریکا کو فضائی سطح پر نقصان اٹھانا پڑا ہے۔

رپورٹ کے مطابق اب تک مجموعی طور پر 16 امریکی طیارے متاثر ہوئے، جن میں 10 ریپر ڈرونز شامل ہیں، جبکہ 6 جنگی طیاروں کو شدید نقصان پہنچنے کی اطلاعات ہیں۔

بتایا گیا ہے کہ تین امریکی جنگی طیارے کویت کی فضاؤں میں تباہ ہوئے، جن کے بارے میں خدشہ ظاہر کیا جا رہا ہے کہ وہ ممکنہ طور پر فرینڈلی فائر کا نشانہ بنے۔

مزید یہ کہ ایک KC-135 ری فیولنگ طیارہ دوران پرواز حادثے کا شکار ہوا، جس کے نتیجے میں عملے کے تمام 6 افراد ہلاک ہو گئے۔

رپورٹ میں یہ بھی دعویٰ کیا گیا ہے کہ پانچ KC-135 طیاروں کو Saudi Arabia کے ایک ہوائی اڈے پر ایرانی میزائل حملے میں نقصان پہنچا۔

اسی طرح ایران کی جانب سے امریکی ریپر ڈرونز کو بھی نشانہ بنانے کا دعویٰ کیا گیا، جن میں سے 9 ڈرون تباہ کیے گئے جبکہ ایک ڈرون کو Jordan میں بیلسٹک میزائل کے ذریعے مار گرایا گیا۔

تاہم امریکی حکام کی جانب سے ان دعوؤں کی باضابطہ تصدیق سامنے نہیں آئی، اور ماہرین کا کہنا ہے کہ جنگی حالات میں ایسے دعوؤں کی آزادانہ تصدیق ضروری ہوتی ہے۔