پاکستان کیلیے خوشخبری؛ ایشیائی ترقیاتی بینک کا 5 سالہ خصوصی معاشی منصوبہ جاری

Asian Development Bank نے پاکستان کے لیے 2026 سے 2030 تک کی نئی کنٹری اسٹریٹیجی جاری کر دی ہے، جسے ملکی معیشت کے لیے مثبت پیش رفت قرار دیا جا رہا ہے۔

رپورٹ کے مطابق پانچ سالہ منصوبہ نجی شعبے کی قیادت میں پائیدار اور جامع معاشی ترقی کے فروغ پر مرکوز ہے، جس میں روزگار کے مواقع بڑھانے، سرمایہ کاری میں اضافہ اور برآمدات کو فروغ دینے کے اہداف مقرر کیے گئے ہیں۔

اس حکمت عملی میں خواتین کی معاشی شمولیت، سماجی ترقی اور موسمیاتی تبدیلی کے اثرات سے نمٹنے کو بھی اہم ترجیح دی گئی ہے۔

مزید برآں منصوبے کے تحت توانائی، زراعت اور انفراسٹرکچر کے شعبوں میں سرمایہ کاری بڑھانے پر زور دیا گیا ہے، جبکہ اے ڈی بی نے پاکستان کے ساتھ تعاون کو مزید مضبوط بنانے کے عزم کا اظہار کیا ہے تاکہ ملک کو پائیدار ترقی کی راہ پر گامزن کیا جا سکے۔