حکومت کا منی لانڈرنگ اور حوالہ ہنڈی کے خلاف بڑا کریک ڈاؤن کرنے کا فیصلہ

حکومت نے منی لانڈرنگ اور حوالہ ہنڈی کے خلاف بھرپور کارروائی کا فیصلہ کیا ہے۔

وزیر داخلہ محسن نقوی اور وزیر خزانہ محمد اورنگزیب کی زیر صدارت خصوصی اجلاس میں طے پایا کہ غیر قانونی ذرائع سے بیرونِ ملک رقوم بھجوانے والے بڑے کاروباری افراد اور اداروں کے خلاف کوئی رعایت نہیں کی جائے گی۔

اجلاس میں یہ بھی فیصلہ کیا گیا کہ رقوم صرف بینکنگ اور قانونی چینلز کے ذریعے منتقل کی جائیں گی، جبکہ منی چینجرز کے ذریعے ترسیل کے عمل کو بھی منظم کیا جائے گا۔ بیرونِ ملک رقوم بھیجنے کے پورے نظام کو شفاف اور فول پروف بنانے پر بھی زور دیا گیا، اور غیر قانونی ذرائع کی حوصلہ شکنی کی جائے گی۔

اس مقصد کے لیے اسٹیٹ بینک آف پاکستان اور وفاقی تحقیقاتی ایجنسی پر مشتمل ایک جوائنٹ ورکنگ گروپ تشکیل دیا گیا جو پیش رفت کا باقاعدہ جائزہ لے گا۔

اجلاس کے دوران گورنر اسٹیٹ بینک نے بینکنگ چینلز کے ذریعے رقوم کی ترسیل کے نظام پر بریفنگ دی، جبکہ ڈی جی ایف آئی اے، گورنر اسٹیٹ بینک اور وفاقی سیکرٹری خزانہ بھی موجود تھے۔