ایل پی جی کارگو پاکستان پہنچنے کے باوجود قیمتیں کم نہ ہو سکیں

عمان سے ایل پی جی کے دو بحری جہاز پاکستان پہنچنے کے باوجود ملک کے مختلف شہروں میں گیس کی قیمتوں میں نمایاں کمی نہ آسکی، جبکہ بعض علاقوں میں فی کلو قیمت 600 سے 650 روپے تک برقرار ہے۔

رپورٹ کے مطابق کوئٹہ میں ایل پی جی کی قیمت میں 30 روپے فی کلو کمی کے بعد نرخ 520 روپے ہوگئے ہیں، جبکہ کراچی میں قیمت 550 روپے اور پشاور میں 570 روپے فی کلو بتائی گئی ہے۔

اسی طرح اٹک، اسلام آباد اور راولپنڈی میں ایل پی جی 600 روپے فی کلو فروخت ہونے کی اطلاعات ہیں۔ دوسری جانب لاہور میں مسلسل دوسرے روز بھی دکانیں ہڑتال کے باعث بند رہیں۔

عمان سے ایل پی جی کے دو بحری جہازوں کی آمد کے بعد قیمتوں میں کمی کی توقع کی جارہی تھی، تاہم تاحال اس کے اثرات صارفین کو واضح طور پر نظر نہیں آئے۔