زندگی

تحریر: خالد سرور کھوسہ
اے زندگی! کن لفظوں میں کروں تجھے بیان
اتنا بھی پتا ہے تو صرف سانس لینے کا نام نہیں
ساتھ چھوڑنا چاہیے تو سیکنڈوں میں زبان حلق سے نکل آئے
اور ساتھ دینا چاہے تو برسوں آزمائشوں اور امتحان میں گزر جائے

اے زندگی! تو نے جینے کے طریقے بھی مختلف پہلوؤں میں دکھائے
کبھی بادشاہی تو کبھی فقیرانہ
کبھی سردار تو کبھی غلام
اور برے سے برے وقت میں عاجز بندہ نواز

آخر زندگی تو ہے کیا؟
رب کریم کی طرف سے ہم گنہگار، لاچار، مغرور، بے سہارا، کافرانہ، یزیدیت کی سوچ رکھنے والوں کے لیے ایک تحفہ؟
پر جس رب کریم نے ہمیں زندگی بخشی، اسی رب پر ایمان کامل کتنا؟
مطلب یقین، بھروسہ اور آخرت پر عمل کتنا؟

کیا اللہ تبارک و تعالیٰ نے انسان کو زندگی کا تحفہ اس لیے دیا کہ اسے دنیاوی نفسا نفسی میں ختم کریں؟
یہاں تو انسان ہی انسان کو مٹاتا ہے
قتل و غارت، اناپرستی، اقربا پروری اور نہ جانے کیا کیا؟

زندگی آدم علیہ السلام کی صورت میں رب کریم کی پہلی نشانی
زندگی فرعون کو دیا ہوا تحفہ جو آج بھی ظلم و بربریت کی نشانی
اور زندگی آخری نبی حضرت محمد ﷺ کی صورت میں دی ہوئی سیرت
زندگی تو عمل کی بہترین مثال ہے
جس نے رب کریم کے احکامات پر عمل کیا، آخرت کا بھی مزہ اور اس جہاں کا بھی
رب کے دیے ہوئے خزانے بے شمار ہیں
عزت و ذلت اسی رب کے ہاتھ میں ہے
قرآن کی تعلیمات زندگی بہتر طریقے سے گزارنے کا درس دیتی ہیں
بس انسان رب کی دی ہوئی زندگی سے مایوس کبھی نہ ہو
اے زندگی! تجھے سمجھنا بہت آسان
تو بہتر عمل سے ہی بنتی ہے
زندگی کی قیمت ان لاکھوں اربوں ہیروں سے بھی بہتر ہے
جو انسان کو اپنی خواہشات کا غلام بناتی ہیں
زندگی ایک ایسا محل جس کی رونق دونوں جہاں تک ملتی ہے
زندگی کو سمجھنے کے لئے انسان کو رب کریم کے نزدیک ہونا لازمی ہیں ان رازوں کو سمجھنا بھی ضروری ہیں جو انسان کی زندگی کو سنوار سکیں وہ ممکن ہیں ہیں تو بس رب کے احکامات پہ مضبوطی سے عمل کرنے سے
پر شرط بہترین اعمال ہیں
وہ اعمال جو رب کو پسند ہوں
اللہ پاک ہم سب کا حامی و ناصر