27ستمبر کو آئین کی بالادستی کیلئے تاریخی احتجاج ہوگا ، ایڈووکیٹ عبدالحکیم زرین

27ستمبر کو آئین کی بالادستی کیلئے تاریخی احتجاج ہوگا ، ایڈووکیٹ عبدالحکیم زرین

کوئٹہ(پ ر) جنرل سیکرٹری آئی ایل ایف بلوچستان ایڈووکیٹ عبدالحکیم زرین نے کہا ہے کہ 27 ستمبر کو عوام پاکستان چیئرمین عمران خان کی کال پر لبیک کہتے ہوئے گھروں سے نکلیں گے اور ملک میں آئین کی بحالی، آئین کی بالادستی اور جمہوری اقدار کے تحفظ کے لیے بھرپور اور انقلابی احتجاج کیا جائے گا۔انہوں نے اپنے بیان میں کہا کہ پاکستان کے روشن اور محفوظ مستقبل کے لیے عوام کا گھروں سے نکلنا وقت کی اہم ضرورت ہے۔ عوام 27 ستمبر کو اپنے آئینی، جمہوری اور بنیادی حقوق کے لیے آواز بلند کریں گے اور ثابت کریں گے کہ پاکستان کے عوام آئین کی بالادستی اور قانون کی حکمرانی پر یقین رکھتے ہیں۔ایڈووکیٹ عبدالحکیم زرین نے کہا کہ عمران خان عوام کے دلوں میں بستے ہیں اور ان کی جدوجہد آئین و قانون کی حکمرانی کے لیے ہے۔ انہوں نے امید ظاہر کی کہ ان شاء اللہ عمران خان جلد جیل سے رہا ہوں گے اور عوام کی جدوجہد کامیابی سے ہمکنار ہوگی۔انہوں نے عوام سے اپیل کی کہ 27 ستمبر کے احتجاج میں بھرپور شرکت کرکے آئین کی بالادستی، جمہوریت اور پاکستان کے روشن مستقبل کے لیے اپنا کردار ادا کریں۔