کولپور تھانے کی حدود میں مسلح افراد کی بڑی واردات

کولپور تھانے کی حدود میں مسلح افراد کی بڑی واردات

کوئٹہ: کولپور تھانے کی حدود میں مسلح افراد نے کریش پلانٹ میں داخل ہو کر لاکھوں روپے مالیت کی مشینری اور ایک گاڑی لوٹ لی۔

ذرائع کے مطابق مسلح افراد واردات کے بعد مشینری اور گاڑی اپنے ہمراہ لے گئے اور موقع سے فرار ہوگئے۔ واقعے کے بعد علاقے میں تشویش کی لہر دوڑ گئی۔

پولیس نے واقعے کا مقدمہ درج کرکے تحقیقات شروع کردی ہیں جبکہ ملزمان کی گرفتاری اور مسروقہ سامان کی برآمدگی کے لیے کارروائیاں جاری ہیں۔