فیصل زاہد کو تمغۂ امتیاز ملنے پر ممتاز سماجی سائنسدان کامران ملک کی دلی مبارکباد

فیصل زاہد کو تمغۂ امتیاز ملنے پر ممتاز سماجی سائنسدان کامران ملک کی دلی مبارکباد

لاھور منشاقاضی سے

14 اگست، یومِ آزادیِ پاکستان کے موقع پر میرے پیارے بھانجے فیصل زاہد ملک کو حکومتِ پاکستان کی جانب سے تمغۂ امتیاز سے نوازنے کا اعلان میرے لیے اور پوری زاہد ملک مرحوم فیملی کے لیے بے حد خوشی، فخر اور اعزاز کا باعث ہے۔

میں اپنے بھانجے فیصل زاہد ملک کو اس عظیم قومی اعزاز پر دل کی گہرائیوں سے مبارکباد پیش کرتا ہوں۔ یہ اعزاز صرف فیصل زاہد ملک کی ذاتی کامیابی نہیں بلکہ ان کے والدِ محترم، عظیم صحافی اور ممتاز قلم کار زاہد ملک مرحوم کی شاندار صحافتی، علمی اور ادبی خدمات کا بھی تسلسل ہے۔

یہ امر ہمارے لیے مزید باعثِ فخر ہے کہ زاہد ملک مرحوم نے اپنی زندگی میں ستارۂ امتیاز حاصل کیا اور ان کی گراں قدر صحافتی، علمی و دینی خدمات کے اعتراف میں حکومتِ پاکستان کی جانب سے ان کے انتقال کے بعد انہیں ہلالِ امتیاز سے بھی نوازا گیا۔ آج ان کے صاحبزادے فیصل زاہد ملک نے بھی اپنے والد کے نقشِ قدم پر چلتے ہوئے تمغۂ امتیاز حاصل کر کے نہ صرف اپنے خاندان بلکہ اپنے عظیم والد کا نام بھی مزید روشن کر دیا ہے۔

فیصل زاہد ملک نے اپنی محنت، صلاحیت، دیانت داری اور صحافت کے میدان میں اپنی گراں قدر خدمات کے ذریعے ثابت کیا ہے کہ عظیم لوگوں کی اصل میراث صرف نام نہیں بلکہ کردار، محنت اور خدمت ہوتی ہے۔

میں اس پُرمسرت موقع پر زاہد ملک مرحوم کے تمام اہلِ خانہ، فیصل زاہد ملک اور پوری فیملی کو دلی مبارکباد پیش کرتا ہوں اور دعا کرتا ہوں کہ اللہ تعالیٰ فیصل زاہد ملک کو مزید عزت، کامیابی، صحت اور سربلندی عطا فرمائے، انہیں ہمیشہ اپنے والدِ محترم کے نقشِ قدم پر چلنے کی توفیق دے، اور ان کی آنے والی نسلیں بھی اسی طرح اپنے خاندان، ملک و قوم کا نام روشن کرتی رہیں۔