پاکستان میں سمندر کنارے اعلیٰ معیار کی گیس کی پہلی کامیاب دریافت

کراچی: پاکستان میں سمندر کنارے ہائیڈرو کاربن پلے سے اعلیٰ معیار کی گیس کی پہلی اہم دریافت کرلی گئی ہے۔

پاکستان پیٹرولیم لمیٹڈ (پی پی ایل) کے مطابق سندھ کے ضلع سجاول میں واقع سرانی بلاک کے دریافتی کنویں “ڈولفن” سے گیس دریافت ہوئی ہے۔ یہ دریافت لوئر انڈس بیسن کی جراسک دور کی چلتن فارمیشن سے ہائیڈرو کاربن کی پہلی کامیاب دریافت قرار دی جا رہی ہے۔

پی پی ایل کا کہنا ہے کہ اس دریافت سے علاقے میں پیٹرولیم سسٹم کی موجودگی ثابت ہوئی ہے، جبکہ اس کے بعد سندھ کے دلدلی علاقوں اور ممکنہ کم گہرے سمندری حصوں میں مزید تلاش کے نئے مواقع پیدا ہوں گے۔