یومِ آزادی کی تقریبات، لورالائی میں کرکٹ کے دو مقابلے

لورالائی(میاں محمدعامربشیر آرائیں) وزیراعلیٰ بلوچستان کی ہدایات اور محکمہ کھیل و امورِ نوجوانان بلوچستان کے تعاون سے یومِ آزادی کی تقریبات کے سلسلے میں ضلع لورالائی میں کرکٹ کے دو دلچسپ مقابلوں کا انعقاد کیا گیا۔
یہ کرکٹ میچز ڈپٹی ڈائریکٹر لورالائی ڈویژن نصیب اللہ کاکڑ صاحب اور ڈسٹرکٹ اسپورٹس آفیسر ظہیر احمد کی زیرِ نگرانی منعقد ہوئے۔ مقابلوں میں نوجوان کھلاڑیوں نے بھرپور جوش و جذبے کے ساتھ حصہ لیا اور اپنی کھیلوں کی صلاحیتوں کا شاندار مظاہرہ کیا۔اس موقع پر منتظمین نے کہا کہ یومِ آزادی کی تقریبات کے تحت کھیلوں کے مقابلوں کا مقصد نوجوانوں کو مثبت سرگرمیوں کی جانب راغب کرنا، ان میں حب الوطنی کا جذبہ اجاگر کرنا اور کھیلوں کے میدان میں مقامی ٹیلنٹ کو آگے بڑھنے کے مواقع فراہم کرنا ہے۔شرکاء اور کھلاڑیوں نے محکمہ کھیل و امورِ نوجوانان بلوچستان کی جانب سے ایسی صحت مند اور مثبت سرگرمیوں کے انعقاد کو سراہتے ہوئے امید ظاہر کی کہ مستقبل میں بھی ضلع لورالائی میں کھیلوں کے مزید مقابلوں کا انعقاد جاری رکھا جائے گا۔