میر فدا حکیم رند کی منیر مومن کے گھر آمد، اہلیہ کے انتقال پر تعزیت

پسنی
مکران کے معروف قبائلی و سیاسی شخصیت میر فدا حکیم رند نے پسنی کا دورہ کیا، جہاں انہوں نے بلوچی زبان کے معروف شاعر و ادیب منیر مومن کی رہائش گاہ پر جا کر ان کی اہلیہ کے انتقال پر گہرے دکھ اور افسوس کا اظہار کرتے ہوئے تعزیت کی۔
اس موقع پر میر فدا حکیم رند نے مرحومہ کے درجات کی بلندی، مغفرت اور پسماندگان کے لیے صبرِ جمیل کی دعا کی۔ انہوں نے کہا کہ دکھ اور غم کی اس گھڑی میں وہ سوگوار خاندان کے غم میں برابر کے شریک ہیں اور دعا گو ہیں کہ اللہ تعالیٰ مرحومہ کو اپنی جوارِ رحمت میں اعلیٰ مقام عطا فرمائے۔
تعزیت کے موقع پر بلوچی زبان کے نامور شاعر زبیر مختار اور ساوڑ بھی میر فدا حکیم رند کے ہمراہ موجود تھے۔ اس دوران مرحومہ کی مغفرت اور اہلِ خانہ کے لیے صبر و استقامت کی خصوصی دعا بھی کی گئی۔