ہنہ اوڑک ولی تنگی میں فائرنگ، نوجوان جاں بحق، احتجاج کے باعث شاہراہ بند

کوئٹہ: ہنہ اوڑک ولی تنگی کے علاقے میں نامعلوم افراد کی فائرنگ سے ایک نوجوان جاں بحق ہوگیا۔

واقعے کے بعد لواحقین اور علاقہ مکینوں میں شدید غم و غصہ پھیل گیا، جنہوں نے احتجاج کرتے ہوئے مرکزی شاہراہ کو بند کر دیا۔ احتجاج کے باعث علاقے میں کشیدگی کی صورتحال پیدا ہوگئی۔

مظاہرین نے مطالبہ کیا ہے کہ واقعے کی شفاف تحقیقات کر کے ملوث افراد کو گرفتار کیا جائے اور متاثرہ خاندان کو انصاف فراہم کیا جائے۔

علاقہ مکینوں کا کہنا ہے کہ عوام کے جان و مال کا تحفظ یقینی بنانا ریاست کی ذمہ داری ہے اور ایسے واقعات کی روک تھام کے لیے مؤثر اقدامات کی ضرورت ہے۔