خاران میں مسلح افراد کا پولیس تھانے پر حملہ، فائرنگ اور دھماکوں کے بعد کلیئرنس آپریشن جاری

خاران: رات گئے بڑی تعداد میں نامعلوم مسلح افراد نے شہر میں داخل ہو کر سٹی پولیس اسٹیشن پر حملہ کر دیا۔

ذرائع کے مطابق حملہ آوروں نے ڈیوٹی پر موجود پولیس اہلکاروں کو قابو کرنے کے بعد تھانے کے ریکارڈ اور عمارت کے مختلف حصوں کو آگ لگا دی۔ حملے کے دوران انسدادِ دہشت گردی فورس (سی ٹی ڈی) کے دفتر کو بھی نشانہ بنایا گیا، جس سے عمارت کو شدید نقصان پہنچا۔

ذرائع کا کہنا ہے کہ علاقے میں تقریباً ڈیڑھ گھنٹے تک فائرنگ اور دھماکوں کی آوازیں سنائی دیتی رہیں۔ سیکیورٹی ذرائع کے مطابق صورتحال اب قابو میں ہے جبکہ علاقے میں کلیئرنس آپریشن جاری ہے۔