زیارت دھرنا کمیٹی کو لیویز بحالی کی یقین دہانی نہیں کرائی، ضیا لانگو

کوئٹہ: وزیر داخلہ بلوچستان میر ضیا اللہ لانگو نے کہا ہے کہ زیارت دھرنا کمیٹی کے ساتھ ہونے والے مذاکرات میں لیویز فورس کی بحالی کی کوئی یقین دہانی نہیں کرائی گئی۔

انہوں نے کہا کہ احتجاج کرنے والی اپوزیشن جماعتوں سے کہا گیا ہے کہ چونکہ ان کی پارٹیاں پارلیمنٹ کا حصہ ہیں، اس لیے اگر وہ لیویز کی بحالی چاہتی ہیں تو اسمبلی میں قانون سازی کے لیے لابنگ کریں اور متعلقہ بل پیش کریں۔

وزیر داخلہ کا کہنا تھا کہ حکومت تمام معاملات آئینی اور قانونی طریقہ کار کے مطابق آگے بڑھائے گی۔