حبا فواد کاکڑ کی چین پاکستان انفارمیشن کوریڈور کی افتتاحی تقریب میں شرکت

فیڈریشن آف پاکستان چیمبرز آف کامرس اینڈ انڈسٹری (FPCCI) کے صدر کی مشیر حبا فواد کاکڑ نے چین پاکستان انفارمیشن کوریڈور (CPIC) کی افتتاحی تقریب میں شرکت کی۔ یہ تقریب پاکستان اور چین کے درمیان دیرینہ دوستی کے 75 سال مکمل ہونے کی مناسبت سے منعقد کی گئی۔
اس موقع پر حبا فواد کاکڑ کی ملاقات عوامی جمہوریہ چین کی وزارتِ خارجہ کی ترجمان محترمہ ماؤ ننگ (Mao Ning) سے ہوئی، جو تقریب میں بطور مہمانِ خصوصی شریک تھیں۔
حبا فواد کاکڑ نے اس ملاقات کو اپنے لیے ایک یادگار اعزاز قرار دیتے ہوئے پاکستان اور چین کے درمیان مضبوط دوستانہ تعلقات، باہمی احترام اور تعاون کو سراہا۔
انہوں نے اس امید کا اظہار کیا کہ پاکستان اور چین کے درمیان شراکت داری مستقبل میں مزید مضبوط ہوگی، بالخصوص تجارت، اقتصادی ترقی اور عوامی سطح پر روابط کے فروغ کے شعبوں میں دونوں ممالک کا تعاون نئی بلندیوں تک پہنچے گا۔
پاکستان چین دوستی زندہ باد!