چاغی: دالبندین میں مسلح افراد کی فائرنگ، 5 بسیں اور ٹریلرز نذرِ آتش

نوشکی: پدگ کوچکی کے مقام پر رات گئے مسلح افراد نے حملہ کرتے ہوئے 10 گاڑیوں کو آگ لگا دی، جبکہ فائرنگ کے نتیجے میں ایک شخص زخمی ہوگیا۔

ذرائع کے مطابق مسلح افراد نے ٹرالرز اور دیگر گاڑیوں کو نشانہ بنایا، جس کے باعث ایک ٹرالر کا کنڈیکٹر شدید زخمی ہوا۔ زخمی کو ابتدائی طبی امداد کے لیے ٹیچنگ ہسپتال نوشکی منتقل کیا گیا، جہاں سے حالت کے پیش نظر اسے مزید علاج کے لیے کوئٹہ منتقل کر دیا گیا۔

واقعے کے بعد سیکیورٹی اداروں نے علاقے کو گھیرے میں لے کر تحقیقات شروع کر دی ہیں، جبکہ حملہ آوروں کی تلاش کے لیے کارروائیاں جاری ہیں۔