کوئٹہ کے نصف آبادی کا شناختی کارڈ بلاک ہونے کا انکشاف

کوئٹہ میں بڑی تعداد میں شہریوں کے شناختی کارڈز بلاک کیے جانے کی اطلاعات سامنے آئی ہیں، جس کے باعث شہریوں میں تشویش پائی جا رہی ہے۔ذرائع کے مطابق نادرا کی جانب سے مبینہ طور پر کوئٹہ کے ایک بڑے حصے کے شناختی کارڈز کی تصدیقی کارروائی کے تحت بندش عمل میں لائی گئی ہے، جس سے ہزاروں شہری متاثر ہوئے ہیں۔متاثرہ شہریوں کا کہنا ہے کہ شناختی کارڈ بلاک ہونے کے باعث انہیں بینکنگ، سفری دستاویزات، سرکاری امور اور دیگر روزمرہ معاملات میں مشکلات کا سامنا کرنا پڑ رہا ہے۔ذرائع کے مطابق نادرا کی جانب سے بعض شناختی کارڈز کی دوبارہ تصدیق کا عمل جاری ہے، تاہم اس حوالے سے سرکاری طور پر مکمل تفصیلات سامنے نہیں آ سکیں۔شہریوں نے مطالبہ کیا ہے کہ نادرا فوری طور پر صورتحال واضح کرے اور جائز شناخت رکھنے والے افراد کے شناختی کارڈز بحال کیے جائیں تاکہ عوام کو درپیش مشکلات کا خاتمہ ہو سکے۔