کوئٹہ: سوشل میڈیا ایکٹیوسٹ بایزید خروٹی اور اُن کے ٹیم پر ٹراما سینٹر کے عملے نے تشدد

کوئٹہ: مستونگ میں شہید سیشن جج کی کوریج کے دوران سوشل میڈیا ایکٹیوسٹ بایزید خروٹی پر مبینہ حملے کی خبر اور سامنے آنے والی ویڈیو پر صحافتی اور سماجی حلقوں میں تشویش کا اظہار کیا جا رہا ہے۔

بیان میں کہا گیا ہے کہ اگر ویڈیو میں نظر آنے والے شواہد کے مطابق واقعہ پیش آیا ہے تو اس کی غیر جانبدارانہ اور شفاف تحقیقات کرائی جائیں اور ذمہ دار افراد کے خلاف قانون کے مطابق کارروائی کی جائے۔

سماجی و صحافتی حلقوں کا کہنا ہے کہ کسی بھی صحافی، سوشل میڈیا ایکٹیوسٹ یا شہری کو اپنے فرائض انجام دیتے ہوئے تشدد یا ہراسانی کا سامنا نہیں ہونا چاہیے۔

انہوں نے حکومت بلوچستان، محکمہ صحت اور متعلقہ حکام سے مطالبہ کیا ہے کہ واقعے کا فوری نوٹس لیا جائے، حقائق سامنے لائے جائیں اور اگر کوئی سرکاری اہلکار یا فرد قانون شکنی کا مرتکب پایا جائے تو اس کے خلاف سخت قانونی کارروائی کی جائے۔

سوشل میڈیا ایکٹیوسٹس اور صحافتی برادری نے مبینہ واقعے کی مذمت کرتے ہوئے انصاف اور قانون کی بالادستی کا مطالبہ کیا ہے۔