مستونگ حملہ: زخمی سیشن جج طارق لاشاری کی حالت خطرے سے باہر، کوئٹہ منتقل

مستونگ: قومی شاہراہ پر فائرنگ کے واقعے میں زخمی ہونے والے سیشن جج طارق لاشاری کی طبیعت خطرے سے باہر ہے، جنہیں مزید علاج کے لیے مستونگ سے کوئٹہ منتقل کر دیا گیا ہے۔

ذرائع کے مطابق زخمی جج کو طبی امداد فراہم کرنے کے بعد بہتر علاج کے لیے کوئٹہ منتقل کیا گیا، جہاں ان کا علاج جاری ہے۔

واضح رہے کہ مستونگ میں نامعلوم مسلح افراد کی فائرنگ سے سیشن جج عبدالحکیم کاکڑ اور ان کے گن مین شہید جبکہ جوڈیشل مجسٹریٹ طارق لاشاری سمیت دیگر افراد زخمی ہوئے تھے۔ واقعے کے بعد قانون نافذ کرنے والے اداروں نے تحقیقات اور ملزمان کی گرفتاری کے لیے کارروائیاں شروع کر دی ہیں۔