لاہور :معروف کاروباری شخصیت کو ایئر پورٹ سے حراست میں لے لیا گیا

لاہور: معروف کاروباری شخصیت میاں ادریس کو لاہور ایئرپورٹ سے حراست میں لے لیا گیا، جب وہ بیرون ملک روانگی کے لیے پہنچے۔

ذرائع کے مطابق میاں ادریس کا نام پروونشل نیشنل آئیڈینٹیفیکیشن لسٹ (پی این آئی ایل) میں شامل تھا، جس کے باعث امیگریشن حکام نے انہیں سفر سے روک کر حراست میں لے لیا۔

ذرائع کا کہنا ہے کہ میاں ادریس کے خلاف مبینہ طور پر 12 ارب روپے کے بجلی فراڈ سے متعلق مقدمہ درج ہے۔ مقدمہ ایف آئی اے فیصل آباد میں درج کیا گیا، جس کا نمبر 35/2026 بتایا جا رہا ہے۔

ذرائع کے مطابق اسی کیس میں فیسکو کے سابق افسران سعید اختر اور خورشید عالم کو بھی حراست میں لیا گیا ہے۔

حکام کے مطابق معاملے کی مزید تحقیقات جاری ہیں۔