حکومتی کمیٹی اور دھرنا کمیٹی کے مذاکرات کامیاب، معاہدے پر دستخط کچھ دیر میں ہوں گے

کوئٹہ: حکومتی کمیٹی اور زیارت شہدا دھرنا کمیٹی کے درمیان ہونے والے مذاکرات کامیاب ہوگئے ہیں، جس کے بعد معاہدے پر دستخط کی تیاریاں مکمل کرلی گئی ہیں۔

ذرائع کے مطابق حکومتی کمیٹی معاہدے کو حتمی شکل دینے کے لیے عبدالرحیم زیارتوال کی رہائشگاہ پہنچ گئی ہے، جہاں دونوں فریقین کے درمیان طے پانے والے نکات پر دستخط کیے جائیں گے۔

معاہدے پر دستخط کے بعد حکومتی اور دھرنا کمیٹی کے اراکین دھرنا گاہ پہنچیں گے، جہاں باقاعدہ طور پر معاہدے کا اعلان اور دھرنا ختم کرنے کا اعلان کیا جائے گا۔