بلوچستان میں معرکہ پاکستان ہی جیتے گا، وزیراعلیٰ سرفراز بگٹی کا دوٹوک اعلان

کوئٹہ: وزیراعلیٰ بلوچستان میر سرفراز بگٹی نے کہا ہے کہ دنیا میں ہر شورش کا فیصلہ بالآخر میدانِ جنگ میں ہوتا ہے، جس کے بعد ہی مذاکرات یا بات چیت کا مرحلہ آتا ہے۔

اپنے بیان میں انہوں نے کہا کہ بلوچستان میں یہ معرکہ پاکستان ہی جیتے گا اور ریاست اپنی رٹ ہر صورت برقرار رکھے گی۔

وزیراعلیٰ نے دعویٰ کیا کہ بلوچستان کے پہاڑوں میں موجود مسلح افراد کی تعداد سات سے آٹھ ہزار سے زیادہ نہیں ہے۔ انہوں نے مزید کہا کہ ایک سروے کے مطابق صرف 12 فیصد لوگ ان کے ہمدرد یا “سافٹ سپورٹرز” ہیں، جبکہ صوبے کی بھاری اکثریت ریاست اور امن کے ساتھ کھڑی ہے۔

میر سرفراز بگٹی نے کہا کہ حکومت بلوچستان میں امن و استحکام کے قیام اور دہشت گردی کے خاتمے کے لیے اپنی کوششیں جاری رکھے گی۔