ایس بی کے ماڈل اسکول میں شاندار سائنس نمائش کا انعقاد

کوئٹہ(رپورٹ: سمیرا راجپوت) ایس بی کے ماڈل اسکول میں جمعرات کے روز ایک شاندار اور کامیاب سائنس نمائش کا انعقاد کیا گیا، جس میں طلبہ نے اپنی سائنسی صلاحیتوں، تخلیقی سوچ، جدت طرازی اور عملی مہارتوں کا بہترین مظاہرہ کیا۔

تقریب کا انعقاد اسکول کی پرنسپل محترمہ منیزہ نعمان اور وائس پرنسپل محترمہ نیلم ہارون کی قیادت میں اساتذہ اور انتظامیہ کی بھرپور کاوشوں سے عمل میں آیا۔

اس موقع پر کی وائس چانسلر پروفیسر ڈاکٹر روبینہ مشتاق، پرو وائس چانسلر پروفیسر ڈاکٹر بی بی زینب، رجسٹرار ڈاکٹر راحیلہ منظور، کے چیئرمین گلاب خان خلجی، ایڈیشنل ڈائریکٹر ایجوکیشن محترمہ فاطمہ، صوبائی سیکرٹری محترمہ سعدیہ بادینی، سبجیکٹ اسپیشلسٹ فرید احمد بزدار، ڈپٹی ڈائریکٹر ریاض بنگار سمیت متعدد اعلیٰ تعلیمی حکام، ماہرینِ تعلیم اور معزز مہمانوں نے شرکت کی۔

نمائش میں طلبہ نے سائنسی ماڈلز، تحقیقی منصوبوں اور جدید تخلیقی تصورات پر مبنی مختلف پراجیکٹس پیش کیے، جنہوں نے حاضرین کی بھرپور توجہ حاصل کی۔ معزز مہمانوں نے ہر اسٹال کا تفصیلی دورہ کیا، طلبہ سے گفتگو کی اور ان کے اعتماد، محنت، تحقیق اور اختراعی صلاحیتوں کو سراہا۔

مہمانوں نے اپنے تاثرات میں کہا کہ اس نوعیت کی سرگرمیاں طلبہ میں تحقیق، تنقیدی سوچ، عملی تعلیم اور سائنسی شعور کو فروغ دیتی ہیں اور انہیں مستقبل کے چیلنجز سے نمٹنے کے لیے تیار کرتی ہیں۔ انہوں نے اسکول انتظامیہ، اساتذہ اور منتظمین کی کاوشوں کو بھی قابلِ ستائش قرار دیا۔

تقریب کے اختتام پر نمایاں کارکردگی کا مظاہرہ کرنے والے طلبہ میں انعامات، ٹرافیاں اور اسناد تقسیم کی گئیں۔ مہمانانِ خصوصی نے کامیاب طلبہ کو مبارکباد دیتے ہوئے تمام شرکاء کی حوصلہ افزائی کی کہ وہ سائنس، تحقیق اور اختراع کے میدان میں اپنی صلاحیتوں کو مزید نکھاریں۔

آخر میں اظہارِ تشکر پیش کیا گیا، جس میں معزز مہمانوں، پرنسپل، وائس پرنسپل، منتظمین، اساتذہ، طلبہ، معاون عملے اور تقریب کی کامیابی میں کردار ادا کرنے والے تمام افراد کا دلی شکریہ ادا کیا گیا۔

یہ کامیاب سائنس نمائش ایس بی کے ماڈل اسکول کے اس عزم کا مظہر تھی کہ طلبہ کو معیاری تعلیم، سائنسی تحقیق، عملی تجربات اور تخلیقی صلاحیتوں کے فروغ کے لیے بہترین مواقع فراہم کیے جائیں۔