خضدار میں بڑی پیش رفت، کراچی–کوئٹہ شاہراہ ہر قسم ٹریفک کیلئے بحال

خضدار: شہریوں اور ضلعی انتظامیہ کے درمیان کامیاب مذاکرات کے بعد کراچی–کوئٹہ قومی شاہراہ (آر سی ڈی روڈ) کو ہر قسم کی ٹریفک کے لیے بحال کر دیا گیا ہے۔

شاہراہ کی بندش کے باعث دونوں اطراف پھنس جانے والی مسافر کوچز، مال بردار گاڑیاں اور دیگر ٹریفک نے دوبارہ اپنی منزل کی جانب روانگی شروع کر دی ہے۔ مذاکرات کے نتیجے میں مظاہرین نے احتجاج ختم کرتے ہوئے سڑک پر رکھی گئی رکاوٹیں بھی ہٹا دیں۔

شاہراہ کی بحالی پر مسافروں اور ٹرانسپورٹرز نے اطمینان کا اظہار کیا ہے، جبکہ ضلعی انتظامیہ نے شہریوں کے تعاون کو سراہتے ہوئے کہا ہے کہ مسائل کے حل کے لیے بات چیت کا سلسلہ آئندہ بھی جاری رکھا جائے گا۔