ہنہ اوڑک میں بدامنی کے خلاف قبائلیوں کا احتجاج، شاہراہ بند

کوئٹہ کے نواحی علاقے ہنہ اوڑک میں بدامنی کے خلاف قبائلیوں کا احتجاج اور دھرنا، جس کے باعث ہنہ اوڑک شاہراہ ہر قسم کی ٹریفک کے لیے بند ہکر دی گئی۔ مظاہرین کا دعویٰ ہے کہ گزشتہ شب ایک مبینہ کالعدم مذہبی تنظیم نے کلی ببری پر حملہ کیا، جس کے بعد علاقے کے مکینوں اور مبینہ کالعدم تنظیم کے درمیان وقفے وقفے سے فائرنگ کا تبادلہ جاری رہا، جبکہ حملہ آور پہاڑی علاقوں کی جانب فرار ہوگئے۔ مظاہرین نے حکومت سے فوری کارروائی، مسلح عناصر کے خلاف مؤثر آپریشن، تحفظ کی فراہمی اور علاقے میں امن کی بحالی کا مطالبہ کرتے ہوئے کہا ہے کہ مطالبات کی منظوری تک احتجاج جاری رہے گا، بصورت دیگر شاہراہیں بھی بند کی جائیں گی۔