مسلم لیگ (ن) بلوچستان کی پارلیمانی پارٹی کا اہم اجلاس، صوبائی کابینہ میں ردوبدل پر غور

اسلام آباد: مسلم لیگ (ن) بلوچستان کی پارلیمانی پارٹی کا اہم اجلاس اسلام آباد میں ڈپٹی وزیراعظم و وزیر خارجہ اسحاق ڈار اور اسپیکر قومی اسمبلی سردار ایاز صادق کی سربراہی میں جاری ہے۔

اجلاس میں گورنر بلوچستان شیخ جعفر خان مندوخیل، وزیراعلیٰ بلوچستان میر سرفراز خان بگٹی اور مسلم لیگ (ن) بلوچستان کے پارلیمانی لیڈر میر سلیم احمد خان کھوسہ سمیت دیگر اہم رہنما شریک ہیں۔

ذرائع کے مطابق اجلاس میں بلوچستان کی سیاسی اور انتظامی صورتحال کا جائزہ لیا جا رہا ہے، جبکہ صوبائی وزراء کے محکموں میں ممکنہ ردوبدل سمیت دیگر اہم انتظامی اور سیاسی فیصلوں پر غور کیا جا رہا ہے۔

ذرائع کا کہنا ہے کہ اجلاس کے اختتام پر اہم فیصلوں اور مشاورت سے متعلق مزید تفصیلات سامنے آنے کا امکان ہے۔