کوئٹہ: اے ایس ایف کے انسپکٹر سمیت دو افراد مبینہ طور پر اغوا، مقدمہ درج

کوئٹہ: ایئرپورٹس سکیورٹی فورس (ASF) کے انسپکٹر سمیت دو افراد کے مبینہ اغوا کا مقدمہ پولیس نے درج کر لیا۔

پولیس کے مطابق اغوا ہونے والے زبیر احمد ایئرپورٹس سکیورٹی فورس میں انسپکٹر ہیں اور اسلام آباد میں تعینات تھے۔ وہ چھٹی پر اپنے گھر کوئٹہ آئے ہوئے تھے۔

پولیس کا کہنا ہے کہ زبیر احمد دو روز قبل اپنے ایک دوست کے ہمراہ موٹرسائیکل پر گھر سے نکلے تھے، جس کے بعد دونوں لاپتا ہو گئے۔ ابتدائی اطلاعات کے مطابق دونوں افراد کو مبینہ طور پر اغوا کیا گیا ہے۔

پولیس نے زبیر احمد کے والد کی مدعیت میں مقدمہ درج کر کے واقعے کی تحقیقات شروع کر دی ہیں، جبکہ دونوں افراد کی بازیابی کے لیے تلاش جاری ہے۔