موبائل ٹاورز کی تنصیب میں رکاوٹ پر 5 کروڑ روپے جرمانہ عائد ہوگا

اسلام آباد: حکومت نے ملک بھر میں موبائل فون کمپنیوں کو موبائل ٹاورز کی تنصیب کے لیے آزادانہ اجازت دینے کا فیصلہ کر لیا ہے۔

متعلقہ حکام کے مطابق کسی بھی ادارے، محکمے یا اتھارٹی کی جانب سے موبائل ٹاورز کی تنصیب میں غیر ضروری رکاوٹ ڈالنے یا اجازت نامے میں تاخیر کی صورت میں 5 کروڑ روپے تک جرمانہ عائد کیا جا سکے گا۔

حکام کا کہنا ہے کہ اس اقدام کا مقصد ملک بھر میں ٹیلی کمیونیکیشن سروسز کو بہتر بنانا، نیٹ ورک کوریج میں اضافہ کرنا اور عوام کو معیاری موبائل و انٹرنیٹ سہولیات فراہم کرنا ہے۔