بلوچستان ہائی کورٹ نے جمعہ اور ہفتہ کی تعطیلات ختم کردیں

کوئٹہ: بلوچستان ہائی کورٹ نے عدالتی امور میں بہتری اور مقدمات کے جلد نمٹانے کے لیے جمعہ اور ہفتہ کی دو روزہ تعطیلات ختم کرنے کا فیصلہ کر لیا ہے۔

جاری کردہ اعلامیے کے مطابق اب بلوچستان ہائی کورٹ اور اس کے ماتحت عدالتیں ہفتے میں چھ دن کام کریں گی۔ نئے شیڈول کے تحت عدالتوں کی صرف اتوار کو ہفتہ وار تعطیل ہوگی جبکہ پیر سے ہفتہ تک عدالتی کارروائیاں معمول کے مطابق جاری رہیں گی۔

عدالتی حلقوں کے مطابق اس اقدام کا مقصد زیر التوا مقدمات کے بوجھ میں کمی لانا، سائلین کو جلد انصاف کی فراہمی یقینی بنانا اور عدالتی کارکردگی کو مزید مؤثر بنانا ہے۔