کاشف حیدری و دیگر کا ریاض احمد زہری کی ہمشیرہ کے انتقال پر دکھ اور افسوس کا اظہار

کوئٹہ ( ) مرکزی تنظیم تاجران بلوچستان کے ترجمان اور بلوچستان نیشنل پارٹی (بی این پی) کے ضلعی کونسلر کاشف حیدری، پارٹی رہنما ملا مہدی ہزارہ، زیشان علی، ٹرانسپورٹر ایسوسی ایشن کے رہنما جان محمد ہزارہ، رکن سپریم کونسل تنظیم تاجران الیاس ہزارہ، عزت اللہ کاظمی و دیگر نے نیشنل پارٹی ضلع کوئٹہ کے جنرل سیکرٹری ریاض احمد زہری کی ہمشیرہ کے انتقال پر گہرے دکھ اور افسوس کا اظہار کرتے ہوئے کہا ہے کہ ان کے انتقال پر دلی دکھ اور افسوس ہوا۔ انہوں نے ریاض احمد زہری، ان کے اہلِ خانہ اور تمام عزیز و اقارب سے دلی تعزیت اور ہمدردی کا اظہار کرتے ہوئے کہا کہ دکھ اور غم کی اس گھڑی میں ہم سب سوگوار خاندان کے ساتھ کھڑے ہیں اور ان کے غم میں برابر کے شریک ہیں۔ کاشف حیدری نے دعا کی کہ اللہ تعالیٰ مرحومہ کی کامل مغفرت فرمائے، انہیں جوارِ رحمت میں اعلیٰ مقام عطا کرے اور پسماندگان کو یہ ناقابلِ تلافی صدمہ صبر و حوصلے کے ساتھ برداشت کرنے کی توفیق عطا فرمائے۔