بجٹ 2026-27: آئی فون اور دیگر مہنگے موبائل فون سستے ہونے کا امکان

وفاقی بجٹ 2026-27 کی تیاریوں کے دوران موبائل فون صارفین کے لیے اہم خبر سامنے آئی ہے۔ اطلاعات کے مطابق حکومت موبائل فونز پر درآمدی ٹیکس میں کمی کی تجویز پر غور کر رہی ہے، جس سے مہنگے اسمارٹ فونز کی قیمتوں میں نمایاں کمی آ سکتی ہے۔

Browse Posts

دوسڑکہ پولیس کا بڑا کریک ڈاؤن، 6 ملزمان گرفتار

ٹیکس کی بروقت ادائیگی ترقیاتی منصوبوں کے لیے ناگزیر ہے، حسیب شجاع

شہریوں کو بنیادی سہولیات کی فراہمی اولین ترجیح ہے، محمد انور کاکڑ

ذرائع کے مطابق بجٹ میں امپورٹڈ پریمیم موبائل فونز پر موجودہ پی ٹی اے ٹیکس ڈھانچہ برقرار رکھنے کی تجویز زیر غور ہے، جس کے باعث ہائی اینڈ فون استعمال کرنے والوں کو فوری طور پر مکمل ریلیف ملنے کا امکان کم ہے۔

تاہم ایک اہم تجویز کے تحت موبائل فونز پر درآمدی ٹیکس 25 فیصد سے کم کرکے 18 فیصد کیا جا سکتا ہے۔ اگر یہ تجویز منظور ہو جاتی ہے تو 500 ڈالر سے زائد مالیت کے آئی فونز، سام سنگ کے فلیگ شپ ماڈلز اور دیگر مہنگے اسمارٹ فونز کی قیمتوں میں کمی متوقع ہے۔

دوسری جانب مقامی اسمارٹ فون مینوفیکچررز اور اسمبلرز کی جانب سے اس تجویز پر تحفظات کا اظہار کیا جا رہا ہے۔ ان کا مؤقف ہے کہ درآمدی ٹیکس میں کمی سے بیرون ملک سے آنے والے فونز نسبتاً سستے ہو جائیں گے، جس سے مقامی صنعت متاثر ہو سکتی ہے۔

واضح رہے کہ موجودہ پی ٹی اے رجسٹریشن نظام کے تحت بیرون ملک سے لائے گئے یا غیر رجسٹرڈ فونز محدود مدت تک ہی استعمال کیے جا سکتے ہیں، جس کے بعد انہیں فعال رکھنے کے لیے مقررہ ڈیوٹی ادا کرنا ضروری ہوتی ہے۔

ماہرین کے مطابق اگر درآمدی ٹیکس میں کمی کی تجویز منظور نہ ہوئی تو مہنگائی کے موجودہ دباؤ کے باعث فلیگ شپ موبائل فونز کی قیمتیں بلند سطح پر برقرار رہ سکتی ہیں، جس سے صارفین پر اضافی مالی بوجھ پڑے گا۔

حتمی فیصلہ وفاقی بجٹ پیش ہونے کے بعد سامنے آئے گا، جس پر موبائل فون مارکیٹ اور صارفین کی نظریں مرکوز ہیں۔