عوام کو دہلیز پر طبی سہولیات کی فراہمی ترجیح ہے،اسپیکر بلوچستان اسمبلی

دور دراز علاقوں میں صحت کی بنیادی سہولیات کی فراہمی کے لیے اسپیکر بلوچستان اسمبلی، کیپٹن (ر)عبدالخالق خان اچکزئی کا اہم اقدام اسپیکر بلوچستان اسمبلی کیپٹن (ر)عبدالخالق خان اچکزئی نے چمن کے پسماندہ اور دور دراز علاقوں کے عوام کو بنیادی طبی سہولیات فراہم کرنے کے لیے ایک قابلِ تحسین قدم اٹھاتے ہوئے تین نئے بی ایچ یو (BHU) قائم کر دیے ہیں۔ ان مراکز کے قیام سے مقامی آبادی کو بروقت اور معیاری طبی سہولیات میسر آئیں گی، جو کہ علاقے کے دیرینہ مسائل میں نمایاں کمی کا باعث بنے گا۔علاقہ مکینوں نے اس اقدام کو خوش آئند قرار دیتے ہوئے اسپیکر کی عوام دوستی اور عملی کارکردگی کو سراہا ہے۔ ان کا کہنا ہے کہ صحت کے شعبے میں یہ پیش رفت علاقے کی بہتری اور عوامی فلاح کے لیے ایک سنگِ میل ثابت ہوگی۔عوامی حلقوں نے کیپٹن (ر)عبدالخالق خان اچکزئی کے اس اقدام پر انہیں خراجِ تحسین پیش کرتے ہوئے امید ظاہر کی ہے کہ ترقیاتی کاموں کا یہ سلسلہ آئندہ بھی جاری رہے گا۔