کوئٹہ: انسدادِ ملیریا کے عالمی دن کے موقع پر وزیر اعلیٰ بلوچستان میر سرفراز بگٹی نے عوام کے نام اپنے پیغام میں کہا ہے کہ ملیریا ایک مہلک مگر قابلِ علاج بیماری ہے، جس کے خاتمے کے لیے اجتماعی کوششیں ناگزیر ہیں۔ انہوں نے کہا کہ صوبائی حکومت کی جانب سے ملیریا کی بروقت تشخیص اور مؤثر علاج کے لیے مفت سہولیات فراہم کی جا رہی ہیں تاکہ عوام کو اس بیماری سے محفوظ رکھا جا سکے۔
وزیر اعلیٰ نے عوام پر زور دیا کہ وہ احتیاطی تدابیر اختیار کریں، صفائی کا خاص خیال رکھیں اور مچھروں کی افزائش کو روکنے کے لیے عملی اقدامات کریں۔ انہوں نے کہا کہ بلوچستان کے ہر شہری کی صحت کا تحفظ حکومت کی اولین ذمہ داری اور ترجیح ہے۔