وزیراعلیٰ بلوچستان میر سرفراز بگٹی کا نسٹ کے طلبہ کے ساتھ احسن اقدام

تحریر: عدیل احمد

کوئٹہ میں طلبہ کو درپیش سفری مسائل طویل عرصے سے ایک سنجیدہ مسئلہ رہے ہیں، جو نہ صرف ان کی تعلیمی کارکردگی بلکہ روزمرہ زندگی کو بھی متاثر کرتے رہے ہیں۔ ایسے میں وزیراعلیٰ بلوچستان میر سرفراز بگٹی کی جانب سے کوئٹہ سٹی سے نسٹ یونیورسٹی تک گرین بس سروس کا فوری آغاز ایک خوش آئند اور طلبہ دوست اقدام کے طور پر سامنے آیا ہے۔یہ اقدام اس وقت سامنے آیا جب وزیراعلیٰ کے یونیورسٹی دورے کے دوران طلبہ نے سفری مشکلات کی نشاندہی کی اور گرین بس سروس کی درخواست کی۔ حیران کن طور پر صرف دو گھنٹوں کے اندر اس مطالبے کو عملی شکل دے دی گئی اور پہلی دو گرین بسیں طلبہ کو لینے یونیورسٹی پہنچ گئیں۔ اس تیز رفتار عمل نے نہ صرف طلبہ کو خوشگوار حیرت میں مبتلا کیا بلکہ حکومت کی سنجیدگی کو بھی ظاہر کیامیرے خیال میں یہ اقدام محض ایک ٹرانسپورٹ سروس کا آغاز نہیں بلکہ تعلیم دوست پالیسی کی ایک واضح مثال ہے۔ کوئٹہ جیسے شہر میں جہاں طلبہ کو روزانہ آمدورفت میں مشکلات کا سامنا رہتا ہے، وہاں ایسی سہولت کسی نعمت سے کم نہیں۔ اس سے نہ صرف طلبہ کے وقت کی بچت ہوگی بلکہ ان کے اخراجات میں بھی کمی آئے گی، جو موجودہ حالات میں انتہائی اہم ہے۔اس سروس کے آغاز سے تعلیمی سرگرمیوں میں بہتری آئے گی کیونکہ طلبہ اب زیادہ آسانی اور وقت کی پابندی کے ساتھ اپنی کلاسز میں شرکت کر سکیں گے۔ یہ اقدام حکومت اور طلبہ کے درمیان اعتماد کے رشتے کو بھی مضبوط بنائے گا۔آخر میں، میں یہ کہنا چاہوں گا کہ وزیراعلیٰ بلوچستان میر سرفراز بگٹی کا یہ قدم ایک قابلِ تقلید مثال ہے۔ اگر اسی طرح طلبہ کے مسائل کو ترجیح دی جاتی رہی تو بلوچستان کا تعلیمی مستقبل روشن ہوگا