پاور سیکٹر ملازمین کے لیے بجلی کے مفت یونٹس کی سہولت ختم

عدالت نے پاور ڈویژن کی درخواست قبول کرلی، عوام کا پرانا مطالبہ پورا ہوگیا، وفاقی وزیر توانائی

حکومت نے پاور سیکٹر کے ملازمین کے لیے بجلی کےمفت یونٹس کی سہولت ختم کردی۔

Browse Posts

اقبال حیدری کا تاجروں سے ناروا سلوک اور من گھڑت ایف آئی آر کی مذمت

ای او ٹی او پروگرام کے اجراء کیلئے مفاہمتی یادداشت پر باقاعدہ دستخط کیے گئے

اسلام آباد مذاکرات کا ممکنہ دوسرا دور، پنجاب سے بھاری نفری وفاقی دارالحکومت پہنچ گئی

ایکسپریس نیوز کے مطابق وفاقی وزیر برائے پاور ڈویژن اویس لغاری نے پاور سیکٹر کے ملازمین کے لیے فری یونٹس کی سہولت کے خاتمے سے متعلق لاہور ہائیکورٹ کے فیصلے کا خیر مقدم کیا ہے۔

وزیر توانائی نے سماجی رابطے کی ویب سائٹ ایکس (سابقہ ٹوئٹر) پر اپنے پیغام میں کہا کہ ملکی تاریخ میں پہلی بار وزیراعظم شہباز شریف کی قیادت میں پاور سیکٹر کے اہلکاروں کے فری یونٹس ختم کیے گئے ہیں۔

اویس لغاری نے کہا کہ معزز عدالت نے پاور ڈویژن کی عرضی کو قبول فرمایا۔ فری یونٹس کا خاتمہ عوام کا سب سے پرانا اور دیرینہ مطالبہ تھا۔ انہوں نے اپنے بیان میں کہا کہ اللہ تعالیٰ نے اس مطالبے کو پورا کرنے کا اعزاز انہیں عطا فرمایا ہے۔

وفاقی وزیر توانائی کا کہنا تھا کہ ان شا اللہ ہر وہ اقدام ضرور کیا جائے گا جو ملک اور قوم کی اجتماعی بہتری کے لیے ہو ۔ حکومت عوامی مفاد میں اصلاحات کے عمل کو جاری رکھے گی۔